Cómputo de xornada

O Acordo da Mesa Sectorial do 20 de abril de 2023, recollía a redución e equiparación da xornada para todas as categorías, tanto en Atención Primaria como Hospitalaria.

A finais do ano 2024, o SERGAS publicou a Instrución sobre a aplicación da redución da xornada laboral acordada para o ano 2025.

Esta normativa é de aplicación para todo o persoal de Atención Primaria e Atención Hospitalaria, e establece que a xornada anual para quen realiza quendas fixas de mañá ou tarde, así como quendas rotatorias simples, debe ser de 1533 horas ao ano. Isto tradúcese en 219 quendas de 7 horas.

INCUMPRIMENTOS POR PARTE DAS XERENCIAS

As xerencias están negándose a facer os cómputos de xornada incumprindo a normativa vixente.

Isto supón que moito persoal traballe máis do que lle corresponde, sen recoñecemento nin compensación.

QUE DEFENDEMOS DESDE CIG-SAÚDE

Desde CIG-Saúde esiximos que se fagan os cómputos de xornada de xeito individualizado, para todo o persoal que non fai quendas de noite.

Hai que garantir que ninguén traballe máis das 1533 horas anuais.

Cada caso é distinto, e hai que contar:

• Cando se collen as vacacións e se coinciden con festivos ou fins de semana
• Cantos festivos se desfrutan realmente
• En que datas se gozan os días libres (LDs)

CONTACTA COA CIG-SAÚDE SE O TEU CÓMPUTO NON CADRA

Se tes dúbidas ou sospeitas que fixeches máis horas das que che tocan, contacta connosco.

Calculamos o teu cómputo de xornada e, se che deben días, axudámosche a facer a reclamación para que te dean as libranzas que che corresponden.

Non regales o teu tempo. É un dereito.