O persoal do 061 tamén é persoal estatutario: mesmos dereitos, mesmas retribucións!
- 061
- Sanidade Pública
Na Mesa Sectorial do 10 de febreiro, o SERGAS anunciou un incremento no valor da hora complementaria para o persoal médico de PAC e urxencias hospitalarias:
- +2 € por hora a partir do 1 de abril 2026
- +3 € por hora a partir do 1 de xaneiro 2027
Tamén se recoñece agora para o persoal médico de urxencias hospitalarias a festividade da noite do venres, unha demanda histórica que xa debía estar aplicándose desde o acordo do 20 de abril de 2023 e que tiña que estar pagándose a todo o persoal desde entón.
Pero… e o 061?
Desde CIG-Saúde deixámolo claro na Mesa Sectorial: o persoal do 061 tamén é persoal estatutario e debe ter os mesmos dereitos e as mesmas retribucións.
CIG-Saúde esiximos que estas melloras se apliquen tamén ás entidades adscritas:
- Recoñecemento inmediato das subas retributivas no 061.
- Aplicación efectiva da festividade da noite do venres.
Non imos aceptar discriminacións nin atrasos inxustificados.
O 061 tamén é persoal estatutario. O seu persoal tamén conta.
E os seus dereitos non se negocian: cúmprense.
