OPE de técnico/a superior en laboratorio de diagnóstico clínico

• RESOLUCIÓN do 18 de setembro de 2026, da Dirección Xeral de Recursos Humanos, pola que se nomea como persoal estatutario fixo e se lles adxudica destino definitivo ás persoas aspirantes seleccionadas no concurso-oposición para o ingreso na categoría de técnico/a superior en laboratorio de diagnóstico clínico, convocado pola Resolución do 19 de abril de 2024.

RESOLVE:

Primeiro. Nomear como persoal estatutario fixo do Servizo Galego de Saúde, na categoría de técnico/a superior en laboratorio de diagnóstico clínico, as persoas aspirantes seleccionadas que se inclúen no anexo I desta resolución.

Así mesmo, adxudicarlles aos/ás ditos/as aspirantes, con carácter de destino definitivo, a praza que se especifica no indicado anexo.

Segundo. Declarar finalizado o concurso-oposición para o ingreso na categoría de técnico/a superior na especialidade de diagnóstico clínico, sen prexuízo do previsto na base 10.3 da convocatoria do proceso selectivo.

Terceiro. As persoas aspirantes nomeadas disporán do prazo dun (1) mes,  contado desde o día seguinte ao da publicación desta resolución no Diario Oficial de Galicia, para incorporarse á praza adxudicada. Para estes efectos, a toma de posesión da praza efectuarase no centro de xestión ao cal pertenza esta.